Ағымдағы жылдың 7 наурыз күні өрт сөндіру күзетінің қызметкерлері және "BIRGEMIZ" штабының волонтерлері "Birgemiz: Umit"жобасы аясында. Рейд барысында тұрғын сектор тұрғындарына тұрмыстағы өрт қауіпсіздігі шаралары бойынша нұсқаулық өткізілді. Өрт қауіпсіздігі ережелерін сақтау бойынша жадынамалар таратылды. Сондай-ақ үйде өрттердің пайда болуының негізгі себептері және тұрмыстағы қауіпсіз өмір салты мәселелері бойынша ұсыныстар жеткізілді.
Ақжайық аудандық кітапхана жанынан құрылған "Нұр себеле" волонтерлер тобы бүгін жалпыұлттық "Birgemiz:Bilim" жобасы бойынша биылғы жылғы атаулы мерейтойларға орай ақпарат сағатын ұйымдастырды.
Ағымдағы жылдың 6 наурыз күні бекітілген іс-шаралар жоспарына сәйкес басқарма қызметкерлері "Құрмет күні" акциясы аясында Орал қаласының тұрғыны зейнеткер Албин Юрий Александровичтің үйіне барып үй жұмыстарына қолғабыс көрсетті.
8 наурыз Халықаралық әйелдер күніне орай ана-апаларымызды құттықтауға аудандық жастармен жұмыс жөніндегі ресурстық орталықтың қызметкерлері және аудандық пробация қызметінің инспекторларымен бірігіп, алдағы мерекемен құттықтап, дендеріне саулық, отбасыларына амандық тілей отырып, кішігірім сыйлықтарымызды тапсырдық.
«Birgemiz: Qamqor» жалпыұлттық жобасы бойынша «Oral jastary» волонтерлары 18 жастан асқан психоневрологиялық аурулары бар қызмет алушыларды 8-наурыз мерекесіне орай үйлеріне барып құттықтады. Волонтерлар олардың аналарын мерекелерімен құттықтап, отбасымен бірге ән айтып, музыкалық сәлемдеме жолдап,сергіту биін билеп қызметалушыларымызға көтеріңкі көңіл күй сыйлап, сыйлықтар табыстады.
Бүгін оралдық жастар тағы бір игілігі мол, қайырымдылық шараның бастамашысы болды. Анығырақ айтсақ, облыстық қан орталығына жиналған жастолқын өміріне араша сұраған жандарға көмек қолын созып, замандастарына үлгі көрсетті.
Биылғы жылды Президентіміз Қасым-Жомарт Кемелұлы Тоқаев «Волонтерлар жылы» деп жариялауына орай, «Сырым жастары» волонтерлар ұйымы тыл ардагерлері мен көп балалы аналарды көктемнің шуақты мейрамдарының бірі халықаралық әйелдер күнімен құттықтап үйлеріне барды.
Волонтер жылының "Үміт" бағыты бойынша, Бөрлі аудандық Жастармен жұмыс жөніндегі ресурстық орталығы мамандары мен "GOLD" волонтерлық корпусының волонтерлары, аудандық Төтенше жағдайлар бөлімі мамандарымен бірге Ақсай техникалық колледжінде болып, студенттерге өрт қауіпсіздігі туралы түсіндіру жұмыстарын жүргізді.
Осындай атаумен, "Bolashaq" coworking орталығында, Бөрлі аудандық Жастармен жұмыс жөніндегі ресурстық орталығының психолог маманы Б.Байқадамова, "Ақсай жастары" ЖҚБ-нің қолдауымен, мүмкіндігі шектеулі жандарға арналған тренинг өткізді.
"Birgemiz": "Asyl mura" жалпы ұлттық жобасын іске асыру мақсатында Ақжайық ауданының "Таза жүрек" волонтерлер тобы аудандық өлкетану мұражайында балабақша тәрбиеленушілерімен экскурсия жасады. Негізгі мақсат мұражайды тамашалау арқылы балаларды тарихи жәдігерлермен, мұражайдың бөлімдерімен таныстыру, мәдени құндылықтарға қызығушылығын тудыру.
"Birgemiz:Úmit" жалпыұлттық жобасы бойынша "Мейірім" және "Жігер" волонтерлер тобы бірлесе отырып, 1 наурыз - дүниежүзілік азаматтық қорғаныс күніне орай Ақжайық ауданының Төтенше жағдайлар бөлімі, №10 өрт сөндіру бөлімі, №6 құтқару жасағымен бірігіп жоспарлы түрде Чапаев ауылының тұрғындарына өрт қауіпсіздігі, су тасқынын алдын алу шаралары жөнінде түсінік жұмыстарын жүргізіп, жадынамалар таратты.
"Birgemiz:Saýlyq" жалпыұлттық жобасы бойынша Ақжайық аудандық емханасында 2 күнге созылған "Сенің күнің, донор!" акциясы өткізілді. Облыстық қан орталығынан арнайы келген мамандар 100-ден астам адамнан қан алды.
