«Ақжайық жастары» волонтерлері жол қауіпсіздігі бойынша акция аясында Орал қаласы көшелеріндегі жаяу жүргіншілер өтетін жолдарға трафарет бойынша «Жолда құлаққабыңды шешіп қой», «Вилосипедтен түс», «Тоқта, жан-жағыңа қарап ал, тыңдап ал», «Балаңды қолынан ұста» жазуларын бояп қалдырды.

Сондай-ақ, волотерлер автокөлік жүргізушілеріне қауіпсіздік белдігін тағу және жылдамдықты асырмау ескертпелері жазылған парақшалар таратты.

Акция мақсаты – азаматтардың, жаяу жүргіншілер мен велосипедшілердің жол қауіпсіздігі ережелерін сақтап, жолдан өткен кезде абай болуға шақыру.

Аталмыш әлеуметтік акция @wkroadsafety ұйымдастыруымен, «Гауһар жол» ҚБ, Орал қ. ПБ ЖПҚБ ювиналды полиция қызметкерлері қолдауымен өткізілді.