2020 жылғы 5 қыркүйек күні Орал қаласындағы «Атамекен» демалыс базасында Қайырымдылық күніне орай облысымыздың ірі еріктілер ұйымдарының тимбилдингі ұйымдастырылды.

Аталмыш шара туристерге арналған тосқауыл түрінде өткізілді. Сайысқа 11 команда қатысып, оның ішінде 3 орын анықталды. Атап айтқанда, 1-орынды «Life Qazaqstan” командасы, 2-орын “20-округ волонтерлері” командасы және 3-орынды “Батыс қамқор” командасы иеленді. Қатысқан басқа да командалар түрлі номинациялармен марапатталды. Волонтерлар жиналған ерекше демалыс күні қатысушылардың барлығы көтеріңкі көңіл-күй мен жағымды эмоцияларға ие болды. Іс-шара облыстық жастармен жұмыс жөніндегі ресурстық орталығының қолдауымен өткізілді.